魔音女團丨陳潔靈陳奐仁被練習生認真打動 宋宛穎開心與倪樂琳莊子璇齊入選
- TVB娛樂新聞報導
- 5月5日
- 讀畢需時 1 分鐘
已更新：5月11日
魔音女團丨陳潔靈陳奐仁被練習生認真打動 宋宛穎開心與倪樂琳莊子璇齊入選 TVB綜藝真人騷《魔音女團》於5月4日起，逢星期一至五晚上10時30分在翡翠台播出，呢日「校董」鄔友正、「班主任」陳潔靈、陳奐仁、主持蕭正楠聯同16位參賽女藝人等一齊睇首播。 16位練習生喺首集逐一登場，宋宛穎好開心同好友倪樂琳同莊子璇一齊入選，莊子璇話入選練習生同自己想像有啲出入，鄧凱文自認係真魔、真唔得啦！而俞可程海選魔音影片點擊破百萬，就成為真魔音代表。
myTV SUPER重溫偶像育成之路 https://www.mytvsuper.com/tc/programm...
廖慧儀話16位練習生喺拍攝過程整個人瘦咗好多，連媽媽都話佢拍到塊面凹晒，個樣變咗，但好姊妹陳熙蕊讚佢好fit，廖慧儀就話為節目特登操背肌。 陳潔靈同陳奐仁被練習生認真打動，睇得好肉緊，對一班練習生好用心，希望將不可能任務變成可能，睇佢哋短時間內嘅進步，後尾被佢哋性格同投入感吸引，陳潔靈坦言睇第一集被俞可程唱功嚇一跳，而陳奐仁就用四句話勉勵練習生。