開Chat丨韓國YS Group打造嶄新「出道班」掀富二代報名狂熱！

https://www.instagram.com/p/Cuqk5N8PQ9r/?utm_source=ig_web_copy_link

日前有韓國演藝界Oppa朋友，同我Dr.Chill傾開，話留意到香港有個比賽《#ACE演藝模特大賽》。我初時以為《#全民造星》效應如此厲害，紅到去韓國！因為曾參加《#全民造星III》嘅靚仔醫生 #蘇雋祁 Jensen，去年參加ACE大賽只得優異獎，今年捲土重來，一步到位，勇奪《Face of Hong Kong》（#FaceofHongKong）冠軍，會代表香港到韓國出戰《Face of Asia》(#FaceofAsia)總決賽，同全亞洲區嘅模特新星爭總冠軍。

點知Oppa不斷say no狂話「阿lee唷」（아니요）！Oppa話ACE大賽評判團卧虎藏龍，潛藏三大韓國娛樂圈猛人，仲話佢哋特登嚟香港做評判，非常罕見！原來Oppa所指嘅三位，係首席評判兼 #YSGroup 社長 #YongHeo、《Face of Asia》理事Raulen、韓國著名藝術學院教育總監Jae Woon，Jae Woon任職嘅藝術學院，曾培育 #BTS 成員V同Jimin、韓團 #GOT7 及 #Apink 等。

韓流襲全球，劇集電影歌曲全線攻陷，萬千少男少女為一圓星夢，紛紛到韓國做練習生，日等夜等，等到頸都長，希望有日被揀中出道。Oppa話創辦 #YSGroupKR 嘅Yong Heo，近年大受韓國富豪名人嘅後代支持同歡迎，原因係Yong Heo設計嘅演藝模特課程，完全係針對學員特點同喜好嚟私人訂製，大大提高靈活彈性度，學習更事半功倍。

由於YS Group獨家創辦嘅「#出道班」，完全同韓國傳統練習生模式截然不同，學員唔使受長約式綑綁，更唔使無止境地等待出道，所以YS Group嘅「出道班」大受歡迎，即使學費昂貴，依然報名者眾，學員係嚟自韓國、中國丶泰國丶馬來西亞丶越南及印尼等地。

至於點解大受韓國富二代歡迎？因為當地唔少富二代都有志向演藝模特界發展，所以大批富二代搵Yong Heo諮詢安排，希望一步到位，在高質師資指導下一展所長！所謂識人好過識字，Oppa話Yong Heo打通天地線，同不少娛樂公司老闆、創作韓劇OST嘅音樂人、歌唱老師、訓練韓團嘅舞蹈總監、模特兒公司老闆等，關係緊密要好。合作夥伴數之不盡，仲一齊投資多間舞蹈及歌唱訓練中心，所以YS Group成為當地有志發展星途嘅富二代雲集之地。

靚仔醫生Jensen出賽前，飛去韓國一轉去YS Group受訓，就成為《Face of Hong Kong》冠軍，加上聽完Oppa大力推介，我Dr.Chill真係有一刻心動！哈！心動，係指想下次去韓國親自拜會Yong Heo取經，觀摩YS Group嘅運作！